Имрӯз, 8 июли соли равон дар Муассисаи давлатии «Маркази ҷумҳуриявии ташаккули тарзи ҳаёти солим” дар мавзӯи пешгирии хатари сирояти коронавируси нави COVID-19 мизи мудаввар доир гардид, ки дар он намояндагони як қатор сохторҳои давлатӣ иштирок намуданд.
Мақсад аз баргузории мизи мудаввар назорат дар самти пешгирии сирояти коронавируси нави COVID-19 арзёбӣ гардида, қайд гардид, ки ҷиҳати мубориза бо ин вабои аср кушиши дастаҷамъонаи ҳам сохторҳои дахлдор ва ҳам кулли шаҳрвандон зарур ва ҳатмӣ мебошад.
Ҳамзамон, зикр гардид, ки дар ин самт бояд ҳамкориҳои муштарак тибқи нақшаи корӣ ба роҳ монда, дар якҷоягӣ амалӣ карда шаванд. Аз ҷумла, таъкид гардид, ки бояд корҳои оммафаҳмонӣ дар байни аҳолӣ пурзӯр карда шуда, ҷиҳати пӯшидани ниқобҳои тиббӣ ва риояи фосилаи иҷтимоӣ дар байни аҳолӣ чорабиниҳои иттилоотӣ пайваста доир карда шаванд.
![](https://moh.tj/wp-content/uploads/2018/04/8678.jpg")
