Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Субҳи имрӯз дар толори Аржанги «Кори Наврӯз» таҳти мавзӯи “Беҳтар намудани банақшагирӣ ва идоракунии Барномаи миллии ҳимоя аз бемории сил бо назардошти хизматрасонӣ ба бемории сил равонагардида” мизи мудаввар баргузор гардид.
Чорабинии мазкур бо ибтикори бевоситаи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар ҳамкорӣ бо Барномаи ЮСАИД оид ба мубориза ба бемории сил ташкил гардид.
Рафти баргузории чорабинии мазкурро Одиназода Азиз Абдусаттор, муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон роҳбари намуда, дар кори он Дилором Содиқова, мушовири вазири тандурустӣ ва ҳифзи иҷтимоии аҳолии Ҷумҳурии Тоҷикистон, роҳбарият ва намояндагони созмонҳои байналмиллалӣ, сардорони раёсатҳои тандурустии шаҳру ноҳияҳои ҷумҳурӣ, сардорони раёсату шӯъбаҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, ва дигар масъулони идораҳои дахлдор иштирок намуданд.
Зимни суханронии хеш Одиназода Азиз Абдусаттор вобаста ба татбиқи Барномаи миллии ҳимояи аҳолӣ аз бемории сил муфассал суханронӣ намуд. Сохтори меъёри-ҳуқуқии Барномаи миллии ҳимояи аҳолӣ аз бемории сил дар Ҷумҳурии Тоҷикистон, мақсад вазифаҳо ва самтҳои афзалиятноки Барномаи миллии ҳимояи аҳолӣ аз бемории сил, Комёбиҳои лоиҳаҳои хазинаи глобалӣ дар амалисозии Барномаи миллии ҳимояи аҳолӣ аз бемории сил аз мавзӯъҳои аслие буданд, ки дар кори мизи мудаввар мавриди таҳлилу баррасӣ қарор дода шуданд.
Дар рафти баргузории чорабинӣ таҳти мавзуоти “Маблағгузории давлатии соҳаи тандурустӣ ва Барномаи миллии ҳимояи аҳолӣ аз бемории сил”, “Натиҷаҳои баҳодиҳии хароҷот барои гузаронидани чорабиниҳои зиддисилӣ сарфшуда, тавсияҳо ва нақшаҳои оянда” маърӯзаҳо шунида шуда, мавриди омӯзиш қарор дода шуданд.