Дирӯз, 2 июни соли равон маводҳои доруворӣ ва молҳои тиббие ки аз ҷониби созмону ташкилотҳои байналмилалӣ ва давлатҳои алоҳида ҷиҳати пешгирӣ ва табобати беморони коронавируси нави КОВИД-19 ба Тоҷикистон ворид гардиданд, ба муассисаи давлатии «Маркази шаҳрии ёрии таъҷилии тиббии шаҳри Душанбе” Беморхонаи марказӣ ва КАТС-и шаҳри Роғун, Беморхонаи марказӣ ва КАТС-и Файзобод ва Маркази саломатии №8-и шаҳри Душанбе бо маводҳои доруворӣ ва молҳои тиббӣ таъмин карда шуданд.
Маврид ба зикр аст, ки айни замон дар анборҳои махсуси Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба таври кофӣ маводҳои доруворӣ ва таҷҳизоту молҳои тиббӣ захира карда шудааст, ки онҳо тибқи талабот ба муассисаҳои тандурустии мамлакат тақсим карда мешаванд.
Рафти тақсимоти маводҳои доруворӣ зери назорати қатъии роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон қарор дорад.