Таъмин намудани муассисаҳои тандурустӣ бо таҷҳизоти тиббӣ яке аз ҳадафҳои муҳими Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба шумор меравад.
Давоми 9 моҳи соли равон ба муассисаҳои тандурустии вилояти Суғд аз ҳамаи сарчашмаҳо 160 адад таҷҳизот ва лавозимотҳои тиббӣ ба маблағи 12,7 млн. сомонӣ харидорӣ ва дастрас карда шудааст. Аз ҷумла аз тарафи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо маблағи 207,4 ҳазор сомонӣ, аз ҳисоби буҷети маҳаллӣ ба маблағи 3,5 млн. сомонӣ, аз ҳисоби кӯмакҳои башардӯстона ба маблағи 8,6 млн. сомонӣ ва аз ҳисоби суратҳисоби махсус 425,0 ҳазор сомонӣ таҷҳизоти тиббӣ харидорӣ ва дастрас карда шуд.
Қобили зикр аст, ки дар даврони Истиқлолияти давлатӣ дар кишвар чандин муассисаҳои тандурустӣ сохта ва бо таҷҳизоти муосири тиббӣ таъмин карда шуданд, ки дар ин замина сатҳ ва сифати хизматрасонии тиббӣ ба аҳолӣ беҳтар гардида истодааст.
![](https://moh.tj/wp-content/uploads/2018/04/8678.jpg")
