Маркази назорат ва пешгирии бемориҳои Британия панҷ аломати коронавирусро, ки дар сурати мавҷудияти онҳо бояд ба ёрии таъҷилии тиббӣ муроҷиат намуд, номбар кард. Тавре АМИТ «Ховар» менависад, дар ин бора РИА «Новости» бо истинод ба Daily Express хабар дод.
Дар ин мақола зикр мешавад, ки илова бар нишонаҳои асосӣ-таби баланд, сулфаи тӯлонӣ, ҳис накардани мазза ва бӯй, бояд ба чанд нишонаи дигар — нафастангӣ, дард дар қафаси сина, парешонхотирӣ, хоболудагӣ ва кабуд гаштани лабҳо ва рӯй диққат дод.
«Ҳама нишонаҳои эҳтимолӣ дар ин рӯйхат нестанд»,-ҳушдор медиҳанд табибони бритониёӣ. Онҳо эълон кардаанд, ки дар бораи зуҳуроти дигари ташвишовари ин беморӣ иттилоъ медиҳанд.
Мутахассисон мегӯянд, ки шояд сироятёбии штамми нави вирус 70 фоиз бештар бошад ва хеле зудтар паҳн шавад. Вале, ҳанӯз ҳеҷ асосе вуҷуд надорад, ки мутатсияи нави SARS-CoV-2 марговартар аст.
Пандемияи коронавирус тақрибан тамоми ҷаҳонро фаро гирифтааст.
![](https://moh.tj/wp-content/uploads/2018/04/8678.jpg")
