Ошхона ва қаҳвахонаҳои “Лола”, “Лаззат” ва “Роҳат”-и шаҳри Душанбе, ки як муддати муайян бо мақсади ҷавобгу набудан ба талаботҳои санитарию эпидемиологӣ фаъолияташон муваққатан қатъ гардида буд, дигарбора ба фаъолият оғоз намуданд.
Гуфтан ба маврид аст, ки мақсади назорати муассисаҳои хизматрасонӣ ва риояи ҳатмии қоидаҳои беҳдоштӣ, аз ҷумла дар ошхонаю тарабхонаҳо, кошонаҳои ҳусн, сартарошхонаҳо, марказҳои савдо, мағозаю бозорҳо, пӯшидани ниқоб, риояи масофаи байни ҳамдигарӣ, ҳамзамон, дар даромадгоҳҳо санҷидани ҳарорати бадани шаҳрвандон ва истифодаи маҳлулҳои безараргардонӣ, аз тарафи мутахассисони Хадамоти назорати давлатии санитарию эпидемиологии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар муассисаҳои хизматрасонии шаҳри Душанбе санҷишҳо ба роҳ монда шудааст.
Маврид ба ёдоварист, ки Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории коронавируси COVID-19 дар Ҷумҳурии Тоҷикистон бо дарназардошти тадриҷан ба эътидол омадани вазъи эпидемиологӣ вобаста ба сирояти коронавируси COVID-19 дар Тоҷикистон қарор қабул намуд, ки аз 15 июни соли равон ташкилоту муассисаҳои хизматрасонӣ ба аҳолӣ, аз ҷумла марказҳои савдо, бозорҳо, меҳмонхонаҳо, осоишгоҳҳо, ошхонаҳо, нуқтаҳои хӯроки умумӣ, тарабхонаҳо, сартарошхонаҳо, кошонаҳои ҳусн ва ғайра бо таъмини безараргардонии мунтазами муассисаҳои мазкур, назорати риояи фосилаи иҷтимоӣ, қоидаҳои санитарию гигиенӣ ва зиддиэпидемиявӣ ба фаъолият оғоз намоянд.
![](https://moh.tj/wp-content/uploads/2018/04/8678.jpg")
