Вазорати тандурустӣ ва ҳифзи иҷтимоии аҳолии Ҷумҳурии Тоҷикистон барои рушди робитаҳои байналмилалӣ дар доираи сиёсати ягонаи хориҷии Ҷумҳурии Тоҷикистон тибқи тартиби муқарраргардида фаъолиятро ба роҳ мондааст.
Бо мақсади рушди ҳамкориҳо аз ҷониби Ҷумҳурии Исломии Покистон, Федератсияи Россия, Ҷумҳурии Арабии Миср, Аморати Араб, Иттиҳоди Давлатҳои Мустақил, Созмони ҳамкории Шанхай якчанд самтҳои ҳамкории соҳавӣ пешниҳод шуда, ҳамаи самтҳои ҳамкорӣ дастгирӣ ёфтаанд. Ҳамзамон, дар дар ин давра дар доираи ИДМ якчанд видеоконфронсҳо гузаронида шуда, иҷрои протоколи чаласаҳо тибқи накшаи пешбинишуда амалӣ шуда истодааст.
Ҷиҳати ба роҳ мондани ҳамкориҳо бо ташкилоту созмонҳои байналмилалӣ ва кишварҳои хориҷӣ дар самти пешгирии хуруҷ ва паҳншавии сирояти коронавирус дар доираи ҳамкориҳо аз Ҷумҳурии мардумии Чин 15 нафар мутахассисони соҳаи эпидемиология, пулмонология, реаниматология, тибби халқӣ ва техникаи тиббӣ, аз Ҷумҳурии Ӯзбекистон 8 нафар мутахассисон, аз ҷумла эпидемиолог, пулмонолог, реаниматолог ва вирусологҳо, аз Ҷумҳурии Лаҳистон 15 нафар, аз ҷумла реаниматолог, табиби ташхисгар-функсионалист, сироятшинос ва коршиносони Ташкилоти умумиҷаҳонии тандурустӣ ба Ҷумҳурии Тоҷикистон ташриф оварда, аз таҷрибаи бадастомада дар самти муваффақ гардидан бар зидди сирояти коронавирус бо табибони тоҷик ҳамкорӣ намуданд.