Ҷиҳати иҷрои супориши Роҳбари Дастгоҳи иҷроияи Президенти Ҷумҳурии Тоҷикистон аз 11 январи соли 2022, №1865 (23-3) оид ба доир намудани корҳои фаҳмондадиҳӣ вобаста ба муқаррароти Кодекси андози Ҷумҳурии Тоҷикистон дар таҳрири нав санаи 13 майи соли 2022 дар толори маҷлисгоҳи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо иштироки намояндагони Кумитаи андози назди Ҳукумати Ҷумҳурии Тоҷикистон семинар-машварати омузишӣ гузаронида шуд.
Дар кори семинар-машварат кормандони раёсату шуъбаҳои дахлдори дастгоҳи марказии вазорат, сармуҳосибон-иқтисодчиён ва шахсони мутасадии муассисаҳои тандурустии ҷумҳуриявӣ ва зертобеи Раёсати тандурустии шаҳри Душанбе иштирок намуданд.
Дар ҷаласаи мазкур бо мақсади ба шаҳрвандон ва андозсупорандагон фаҳмонидани муқаррароти Кодекси андози Ҷумҳурии Тоҷикистон дар таҳрири нав, ки аз 1 январи соли 2022 мавриди амал қарор дода шудааст, аз тарафи кормандони масъули Кумитаи андози назди Ҳукумати Ҷумҳурии Тоҷикистон корҳои фаҳмондадиҳӣ гузаронида шуда, дар давоми чорабинӣ баъди баромади асосӣ бо саволу ҷавобҳои кормандони соҳаи тандурустӣ ва ҳифзи иҷтимоии аҳолӣ посухҳои мушаххас дода шуд.