Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Шарҳи якҷояи татбиқи « Стратегияи миллии солимии аҳолии Ҷумҳурии Тоҷикистон барои солҳои 2010-2020»-ро бо баррасии мушкилот ва банақшагирии масъалаҳои тандурустӣ барои соли минбаъд ҳамасола баргузор менамояд.
2 ноябри соли равон бо мақсади ҷамъбасти натиҷаи фаъолияти соҳа дар доираи амалисозии «Стратегияи миллии солимии аҳолии Ҷумҳурии Тоҷикистон барои солҳои 2010-2020», ки бо қарори Ҳукумати Ҷумҳурии Тоҷикистон аз 2 августи соли 2010 тасдиқ гардидааст, дар Муассисаи давлатии «Маҷмааи Душанбе Плаза» Шарҳи якҷояи соли ҳаштуми татбиқи « Стратегияи миллии солими аҳолии Ҷумҳурии Тоҷикистон барои солҳои 2010-2020» сурат мегирад.
Бояд гуфт, ки дар кори Саммит намояндагони Ҳукумати Ҷумҳурии Тоҷикистон, Маҷлиси намояндагони Маҷлиси Олии Ҷумҳурии Тоҷикистон, роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, роҳбарони сохторҳои тандурустии шаҳру вилоятҳо ва муассисаҳои ҷумҳуриявӣ, профессорону устодони соҳаи тиб, намояндагони Ташкилоти Умумиҷаҳонии тандурустӣ дар Тоҷикистон, шарикони ҳамкор оид ба рушд, ташкилотҳои ғайридавлатӣ ва доираи васеи рузноманигорон иштирок менамоянд.
Дар чорабинии мазкур дастовардҳои умумӣ ва вазъи татбиқи «Стратегияи миллии солимии аҳолии Ҷумҳурии Тоҷикистон барои солҳои 2010-2020» мавриди таҳлилу баррасии ҳамаҷониба қарор мегирад.
![](https://moh.tj/wp-content/uploads/2018/04/8678.jpg")
