Имрӯз, 27 майи соли равон муовинони Вазири тандурустӣ ва ҳифзи иҷтимоии аҳолии Ҷумҳурии Тоҷикистон Саида Умарзода, Мирҳамуддин Камолзода ва Сардори Шӯъбаи робитаҳои байналмилалии вазорат Раъно Раҳимова бо намояндаи Вазорати тандурустии Исроил ва директори яке аз беморхонаҳои марказии ин кишвар суҳбати видеоӣ анҷом доданд.
Дар рафти суҳбат ҷонибҳо ҷиҳати пешгирӣ ва табобати гирифторони бемории сироятии коронавируси нави КОВИД-19 табодули афкор намуданд.
Дар навбати худ намояндагони кишвари Исроил оид ба усулҳои пешгирӣ ва табобати бемории КОВИД-19, ки дар ин кишвар роҳандозӣ карда шудааст, маълумот доданд.
Бояд гуфт, ки кишвари Исроил ҷиҳати пешгирӣ ва табобати гирифторони бемории коронавируси нави КОВИД-19 яке аз кишварҳои фаъол ба шумор рафта, усулҳои фаъолияти он дар ин самт қобилӣ омӯзиш мебошанд.