Аз ҷониби Намояндагии Агентии туркӣ оид ба ҳамкорӣ ва ҳамоҳангсозӣ (TIKA) дар Ҷумҳурии Тоҷикистон ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ду адад нақлиёти санитарии махсус ва чор таҷҳизот барои ташхиси шунавоии кӯдакон тақдим карда шуд.
Дар маросими супоридани нақлиётҳои мазкур Вазири тандурустӣ ва ҳифзи иҷтимоии аҳолии мамлакат Ҷамолиддин Абдуллозода, Намояндагии Агентии туркӣ оид ба ҳамкорӣ ва ҳамоҳангсозӣ (TIKA) дар Ҷумҳурии Тоҷикистон иштирок намуданд.
Ҷамолиддин Абдуллозода, Вазири тандурустӣ ва ҳифзи иҷтимоии аҳолии Ҷумҳурии Тоҷикистон кӯмаки Намояндагии Агентии туркӣ оид ба ҳамкорӣ ва ҳамоҳангсозӣ (TIKA) дар Ҷумҳурии Тоҷикистонро идомаи ҳамкориҳои мутақобилан судманди ин ду кишвари дӯсту бародар арзёбӣ намуд.