26 майи соли равон муовини раиси вилояти Хатлон Шарифӣ Ф.Б ва сардори Раёсати тандурустии вилояти Хатлон Раҷабзода М.М бо мутахассисони соҳаи тибби Ҷумҳурии Халқии Хитой, ки 24 майи соли равон ба Ҷумҳурии Тоҷикистон ташриф оварданд, вохӯрӣ намуданд.
Дар ҷараёни вохурии судманд муовини раиси вилояти Хатлон Шарифӣ Ф.Б ва сардори Раёсати тандурустии вилояти Хатлон Раҷабзода М.М ташрифи мутахассисони Ҷумҳурии Халқии Хитойро ба мамлакат идомаи ҳамкориҳои мутақобилан судманди ду кишвари дӯсту бародар арзёбӣ намуданд.
Қайд гардид, ки айни замон табодули таҷрибаи мутахассисони соҳаи тибби Ҷумҳурии Халқии Хитой бо мутахасисони соҳаи тибби вилояти Хатлон ҷиҳати пешгирӣ ва табобати гирифторони сирояти коронавируси нави COVID-19 саривақтӣ мебошад.
Дар навбати худ мутахассисони соҳаи тибби Ҷумҳурии Халқии Хитой барои пазироии гарму самимӣ ба муовини раиси вилояти Хатлон Шарифӣ Ф.Б ва сардори Раёсати тандурустии вилояти Хатлон Раҷабзода М.М изҳори сипосу миннадторӣ баён намуданд.
Маврид ба зикр аст, мутахассисони соҳаи тибби Ҷумҳурии Халқии Хитой дар вилояти Хатлон бо табибони сироятшинос ва эпидимиологҳои вилоят оид ба пешгирӣ ва табобати беморони коронавируси нави КОВИД-19 табодули таҷриба намуданд.