Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Коронавируси COVID-19  дар қиёс ба эпидемияи илтиҳоби шуш SARS  ва синдроми нафасие, ки дар гузашта дар Шарқи Наздик   хуруҷ намуда буд, он қадар хатарнок нест. Дар 80% ҳолатҳо ин беморӣ дар шакли сабук идома ёфта, баъдан шахси бемор пурра сиҳат мешавад, гуфт роҳбари Созмони Умумиҷаҳонии Тандурустӣ Тедрос Гебрейесус. Дар ин бора  хадамоти матбуоти Созмони Милали Муттаҳид хабар медиҳад.

Алҳол гурӯҳи  коршиносони байналмилалӣ дар Пекин қарор дорад ва ба ҳамкасбони чинӣ дар омӯзиши коронавируси COVID-19 кумак мерасонад. Тибқи маълумоти охирин, ин беморӣ дар 14% сироятёфтагон дар шакли вазнин гузашта, 2% беморон мемиранд.

Роҳбари Ташкилоти  умумиҷаҳонии тандурустӣ  зикр кард, ки коронавирус дар  хориҷ аз Чин оҳиста паҳн мешавад ва кишварҳоро  даъват намуд, ки барои омодагӣ ба пайдоиши эҳтимолии он кумак расонанд. Бо ин мақсад Созмони умумиҷаҳонии тандурустӣ 675 миллион доллар дархост кард. «Мо ба ин маблағ фавран ниёз дорем — мо бояд аз «равзанаи имконият»-и истифодашуда истифода барем ва ба кишварҳо дар омодагӣ ба мубориза алайҳи сироят кумак намоем. Мо намедонем, ки ин «равзана» то кай  «боз хоҳад буд»,-гуфт Тедрос Гебрейесус.

Ташкилоти  умумиҷаҳонии тандурустӣ инчунин даъват менамояд, ки бидуни воҳима манбаъҳои маълумотро бодиққат тафтиш намоянд. Масалан, вақте дар бораи бехатарии сафар дар киштиҳои бузурги сайёҳӣ  пурсиданд, мудири ҳолатҳои фавқулодаи СУТ Майкл Райан тавсия дод, ки нақшаҳоро  дар иртибот ба хуруҷи беморӣ тағйир надиҳанд. «Агар мо тамоми хатсайри  саёҳатҳоро бо сабаби паҳн шудани кадом як эпидемия ё  беморӣ бекор кунем, ин моро ба куҷо мебарад? Қадами навбатӣ- ин боздоштани хидматрасонии автобусҳо хоҳад буд»,-гуфт ӯ.

Ба гуфтаи Майкл Райан, хатари муайян ҳамеша вуҷуд дорад, шахс наметавонад худро пурра муҳофизат кунад. Барои кам кардани хатар, ТУТ истифодаи таҷҳизоти муҳофизати шахсиро тавсия медиҳад.