Дар доираи корҳои ободониву созандагӣ ба истиқболи ҷашни бузурги миллии 35-солагии Истиқлолияти давлатии Ҷумҳурии Тоҷикистон саани 5-уми майи соли равон Маркази саломатии деҳоти Гулистони шаҳри Ваҳдат пас аз таъмири капиталӣ ба истифода дода шуд.
Иттилоъ дода шуд, ки дар маркази саломатии мазкур 17 нафар кормандон кор ва фаъолият дошта, дар сохтори он се адад бунгоҳи саломатӣ ба аҳолӣ хизмат мерасонанд.
Маркази саломатии деҳоти Гулистони шаҳри Ваҳдат пас аз таъмири капиталӣ бо дастгоҳу лавозимоти зарурии тиббӣ таъмин гардида, дар он барои хизматрасонии тиббӣ ба аҳолӣ тамоми шароиту имконоти мусоид фароҳам оварда шудааст.
Бояд гуфт, ки таъмир ва таҷҳизонидани ин муассисаи тандурустӣ аз ҷониби Иттиҳоди Аврупо ва Вазорати федеролии ҳамкориҳои иқтисодӣ ва рушди Олмон (BMZ) маблағгузорӣ шудааст.
Зимни боздид аз муассисаи мазкур меҳмонон ба корҳои анҷомдода баҳои баланд дода, ҷиҳати беҳтар намудани сатҳу сифати хизматрасонии тиббӣ ба аҳолӣ ба мутахассисони соҳа дастуру тавсияҳои муфид доданд.
![](https://moh.tj/wp-content/uploads/2018/04/8678.jpg")
