Апрел 03
14:41
2024
2-юми апрели соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таҳти роҳбарии муовини якуми вазири тандурустӣ ва ҳифзи иҷтимоии аҳолӣ Ғафур Муҳсинзода оид ба паҳншавии омилҳои хавф барои бемориҳои сироятӣ ва ғайрисироятӣ ҷаласаи корӣ доир гардид, ки дар он сардорони раёсату шӯъбаҳои дахлдори вазорат, роҳбарони як қатор муассисаҳои ҷумҳуриявӣ ва коршиносони соҳа иштирок намуданд.
Тавре зикр гардид, бемориҳои ғайрисироятӣ сабаби асосии марги бармаҳал ва бемориҳо дар минтақаи аврупоии Созмони умумиҷаҳонии тандурустӣ мебошанд ва Ҳадафҳои Рушди Устувор (SDG) ҳадафи 3.4 то соли 2030 аз се як ҳиссаи коҳиш додани марги бармаҳал аз бемориҳои сироятӣ ба шумор мераванд.
Мавриди зикр аст, ки ҷиҳати кохиш додани сатҳи гирифтории шаҳрвандон ба бемориҳои сироятӣ ва ғайрисироятӣ «Стратегияи пешгирӣ ва мубориза бар зидди бемориҳо ва ҷароҳатҳои ғайрисироятӣ дар Ҷумҳурии Тоҷикистон барои солҳои 2013-2023» амалӣ карда шуд.
Дар ин раванд, соли 2017 дар Ҷумҳурии Тоҷикистон Татқиқоти «Паҳншавии омилҳои хатари бемориҳои ғайрисироятӣ» (STEPS) дар байни калонсолони синни 18-69 сола (2718 нафар) бо дастгирии Ташкилоти умумиҷаҳонии тандурустӣ (ТУТ) гузаронида шуд.
Дар идомаи ҷаласаи корӣ аз ҷониби иштирокчиён доир ба масъалаи мазкур маърӯзаҳо пешниҳод гардид.
![](https://moh.tj/wp-content/uploads/2018/04/8678.jpg")
