Бо мақсади аз наздик шиносоӣ пайдо намудан бо фаъолияти Беморхонаи марказии ноҳияи Восеъ муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусамадзода ба ноҳияи мазкур сафар намуд.
Дар беморхонаи мазкур Зулфия Абдусамадзода, муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон бо роҳбарият ва кормандони он масъалаҳои беҳтар намудани хизматрасонии тиббӣ, таъмини беморон бо маводҳои тиббӣ, назорати беморон ва дигар масъалаҳоро мавриди баррасӣ қарор дода, ҷиҳати бартараф намудани камбудиҳои мавҷуда ба масъулин дастуру супоришҳои мушаххас дод.
Зикр намудан ба маврид аст, ки ҳадаф аз сафарҳои масъулони вазорат аз наздик ошно шудан бо фаъолияти табибон ва ҷараёни табобати беморони гирифтори сирояти коронавирус дар муассисаҳои тандурустӣ, саривақт фаро гирифтани онҳо ба табобати хонагӣ, таъмини беморон бо доруворӣ ва бемористонҳо бо таҷҳизоти тиббӣ, таъмини табибон бо либосҳои муҳофизатӣ, ошкор намудани камбудиҳои муассисаҳо, мушкилоти табибон ва саривақт ба онҳо расидагӣ кардан мебошанд.
![](https://moh.tj/wp-content/uploads/2018/04/8678.jpg")
