Аз ҷониби аъзоёни Ташкилоти “Иттиҳоди табибони ҷавон” дар назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо мақсади баланд бардоштани маърифати тиббии аҳолӣ, махсусан истифодаи ҳатмии ниқоби тиббӣ, риояи фосилаи иҷтимоӣ дар самти пешгирии бемории коронавируси нави COVID-19 пайваста дар ҷойҳои серодам корҳои фаҳмондадиҳӣ гузаронида мешаванд.
Чунин як чорабинии фаҳмондадиҳӣ аз ҷониби аъзоёни иттиҳоди мазкур имрӯз, 16 декабр дар ҳудуди ноҳияи Фирдавсии шаҳри Душанбе баргузор гардид, ки дар рафти он аз ҷониби табибони ҷавон ба шаҳрвандон доир ба зарурати ҳатмии истифода ниқоби тиббӣ, риояи фосилаи иҷтимоӣ маълумот дода шуда, ҳамзамон ба шаҳрвандоне, ки ниқоби тиббӣ надоранд, ба онҳо ниқоби тиббии ройгон тақдим гардид.
Бояд гуфт, ки чунин чорабинҳои оммафаҳмонӣ ҳамарӯза аз ҷониби Ташкилоти “Иттиҳоди табибони ҷавон” дар ҷойҳои серодами пойтахт гузаронида мешаванд.
![](https://moh.tj/wp-content/uploads/2018/04/8678.jpg")
