Дар Агентии давлатии ҳифзи иҷтимоии аҳолӣ дар мавзӯи “Стандартҳои сифатӣ ва Аккредитатсияи хизматрасонии иҷтимоӣ барои ҷабрдидагони зӯроварӣ дар оила дар Ҷумҳурии Тоҷикистон” мизи мудаввар доир гардид.
Дар кори мизи мудаввар намояндагон аз вазорати тандурустӣ ва ҳифзи иҷтимоии аҳолии Ҷумҳурии Тоҷикистон, сохторҳои зертобеи Агентӣ, созмон ва ташкилотҳои марбутаи соҳа иштирок намуданд.
Назархудо Дилшодов, муовини директори Агентии давлатии ҳифзи иҷтимоии аҳолӣ чорабиниро ҳусни оғоз бахшида, оид ба ҳадаф ва мақсадҳои баргузор намудани мизи мудаввар ибрози андеша намуд.
Пасон вобаста ба санадҳои қонунгузорӣ ва ба тартибандозии ҳуҷҷатҳое, ки (бевосита ё бавосита) марбут ба ҷанбаҳои хизматрасонии иҷтимоӣ ва кӯмаки тиббӣ ба ҷабрдидагони зӯроварӣ дар оила дар Ҷумҳурии Тоҷикистон” Лола Раҷабова, ҳамоҳангсози Лоиҳа оид ба сохтори тандурустӣ ва ҳифзи иҷтимоии аҳолӣ, вобаста ба муаррифии таҷрибаи Ҷумҳурии Молдова оид ба ворид намудани стандартҳои сифатӣ, инчунин пешниҳод ва баррасии Стандартҳои сифатии хизматрасонии иҷтимоӣ барои ҷабрдидагони зӯроварӣ дар оила дар Ҷумҳурии Тоҷикистон Виорелия Русу, коршиноси байналмилалӣ оид ба пешгирии зӯроварӣ дар оила баромад намуданд.
Дар охир вобаста ба мавзӯъҳои баррасишуда миёни иштирокчиён саволу ҷавоб баргузор гардид.