Тибқи дастури роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо мақсади пурзӯр намудани фаъолияти хизматрасонии тиббӣ ба як қатор марказҳои саломатии шаҳру ноҳияҳои кишвар гурӯҳҳои иловагии табибон сафарбар карда мешаванд.
Ин масъала имрӯз, 23 май зимни баргузории як ҷаласаи корӣ бо иштироки Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода мавриди баррасӣ қарор дода шуд.
Бояд гуфт, ки гурӯҳҳои иловагии табибон ҷиҳати пешгирӣ ва табобати беморони сирояти коронавируси нави КОВИД-19 ба мутахассисони ноҳияҳои пешбинишуда кӯмаки касбӣ мерасонанд.
Тибқи нақшаи пешбинишуда, зина ба зина фаъолияти ҳамаи марказҳои саломатии деҳот мавриди санҷиш қарор дода шуда, ҳамзамон дар сафи гурӯҳҳои мазкур табибони ҷавон низ сафарбар карда хоҳанд шуд.
![](https://moh.tj/wp-content/uploads/2018/04/8678.jpg")
