Шаби 31 майи соли равон муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Саида Умарзода аз КАТС-и ноҳияи Варзоб ва аз як қатор марказҳои саломатии шаҳри Душанбе дидан намуд.
Зимни боздид муовини якуми вазир бо фаъолияти шабонаи марказҳои саломатӣ шинос шуда, оид ба рафъи мушкилиҳои мавҷуда ба масъулин дастуру супоришҳои мушаххас дод.
Қайд кардан ба маврид аст, ки роҳбарияти Вазорати тандурустӣ ва ҳифзи иҷтимоии аҳолии мамлакат бо мақсади шиносоӣ бо фаъолияти муассисаҳои тандурустии шаҳру ноҳияҳои кишвар гаштҳои шабона ва рӯзонаро ба роҳ мондааст.
Ҳадаф аз сафарҳои масъулони вазорат аз наздик ошно шудан бо фаъолияти табибон ва ҷараёни табобати беморони гирифтори сирояти коронавирус дар муассисаҳои тандурустӣ, саривақт фаро гирифтани онҳо ба табобати хонагӣ, таъмини беморон бо доруворӣ ва бемористонҳо бо таҷҳизоти тиббӣ, таъмини табибон бо либосҳои муҳофизатӣ, ошкор намудани камбудиҳои муассисаҳо, мушкилоти табибон ва саривақт ба онҳо расидагӣ кардан мебошанд.