Бо мақсади аз наздик шиносоӣ пайдо намудан бо фаъолияти муассисаҳои тандурустӣ, таҳлили вазъи кунуни соҳа, бартараф намудани мушкилот ва камбудиҳои мавҷуда ва дар ин замина боз ҳам беҳтар намудани хизматрасонии тиббӣ ба аҳолӣ имрӯз, 2 августи соли равон муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода ба Маркази тиббии шаҳрии №1 ба номи Карим Ахмедов ташриф оварда, бо вазъи хизматрасонии муассисаи мазкур шинос шуд.
Мавсуф дар маркази номбурда бо фаъолияти шӯъбаҳои беморхона, ҳолати таҷҳизотҳои тиббие, ки чанде қабл бо дастгирии Ҳукумати Ҷумҳурии Тоҷикистон харидорӣ ва дастрас карда шуда буданд, таъмини беморон бо маводи доруворӣ ва хурокворӣ, ҳолати санитарию гигиении шуъбаҳо ва бо таърихҳои беморон аз наздик шинос гардид.
Инчунин, муовини вазири тандурустӣ ва ҳифзи иҷтимоии аҳолии мамлакат бо роҳбарият ва кормандони беморхонаи мазкур суҳбати озоду ошкоро анҷом дода, ҷиҳати беҳтар намудани сатҳ ва сифати хизматрасонии тиббӣ ба аҳолӣ ба масъулин дастуру супоришҳои мушаххас дод.