Бо мақсади дар сатҳи баланд пешвоз гирифтани 30 — солагии Истиқлолияти давлатии Ҷумҳурии Тоҷикистон дар ноҳияи Мир Сайид Алии Ҳамадонӣ иқдомҳои зиёди созандагию ободонӣ тарҳрезӣ гардида, бунёд ва азнавсозии иншооти маъмурию фарҳангӣ, коргоҳу корхонаҳои истеҳсолӣ ва муассисаҳои хизматрасонию таълимӣ идома дорад.
Тибқи иттилои мудири шуъбаи меъморӣ ва шаҳрсозии Мақомоти иҷроияи маҳаллии ҳокимияти давлатии ноҳияи мазкур Латифи Шералӣ дар се соли оянда бо мақсади дар сатҳи олӣ пешвоз гирифтани ҷашни миллӣ бунёд ва азнавсозии 196 иншооти таъиноташон гуногун ба нақша гирифта шудааст, ки аз он 10 бунгоҳи тиббӣ, 8 беморхона, 5 маркази саломатӣ, маркази таълимӣ -табобатӣ мебошанд.
Маврид ба зикри хос аст, ки ба истиқболи ҷашни бузурги миллӣ 30 — солагии Истиқлолияти давлатии Ҷумҳурии Тоҷикистон азнавсозӣ, таъмир ва тармими муассисаҳои тиббӣ дар тамоми гӯшаву канори мамлакат бо суръати баланд идома дорад.
![](https://moh.tj/wp-content/uploads/2018/04/8678.jpg")
