Дар толори маҷлисгоҳи Беморхонаи клиникии ба номи Б.Воҳидови вилояти Хатлон таҳти роҳбарии сардори Раёсати тандурустии вилояти Хатлон Раҷабзода М.М, ҷаласаи навбатии ҳайати мушовараи Раёсати тандурустии вилоят доир гардид, дар кори он сартабибони беморхонаҳои шаҳру ноҳияҳои вилоят, роҳбарони КАТС, директорони марказҳи назорати давлатии санитарию эпидемиологӣ иштирок намуданд.
Дар ҷаласа масъалаҳои вазъи пешгирӣ, ташхис ва табобати бемориҳои эндокринологӣ дар вилояти Хатлон ва дурнамои рушди он, иҷроиши “Барномаи давлатии солимии репродуктивӣ барои солҳои 2019-2022”, вазъи хизматрасониҳои тиббӣ дар марказҳои вилоятии ташхисию табобатии вилоятӣ дар шаҳрҳои Бохтару Кӯлоб мавриди баррасӣ қарор дода шуданд.
Оид ба мавзӯъҳои мазкур дар ҷаласа маърӯзаҳо пешниҳод карда шуда, нисбат ба камбудиву мушкилоти мавҷудаи соҳа ба масъулин дастуру супоришҳои мушаххас дода шуд.
Ҳамзамон, ҷиҳати пурзӯр намудани чораҳои пешгирикунандаи бемории COVID-19, махсусан, пурзӯр намудуни корҳои фаҳмондадиҳӣ дар байни аҳолӣ, пӯшидани ниқоби тиббӣ дар ҷойҳои ҷамъиятӣ, риоя намудани фосилаи иҷтимоӣ ба масъулин супоришҳои мушаххас дода шуд.
![](https://moh.tj/wp-content/uploads/2018/04/8678.jpg")
