Ҳамарӯза аз ҷониби кормандони Маркази назорати давлатии санитарию эпидемологии шаҳри Хуҷанд бо бурдани корҳои фаҳмондадиҳӣ вобаста ба пешгирии бемории коронавируси нави CОVID-19 тадбирҳои мушаххас амалӣ карда мешаванд.
Таҳлилҳо собит намуданд, ки ҳангоми баргузории маросими тўй дар як қатор тарабхонаву каҳвахона ва тўйхонаҳои шаҳр қоидаҳои беҳдоштӣ риоя намешаванд ва ҳамаи ин боис гардид, ки фаъолияти ин нуқтаҳои хизматрасонӣ то бартараф намудани камбудиҳо муваққатан манъ карда шуданд.
Зимни баргузории як рейд аз ҷониби Маркази назорати давлатии санитарию эпидемологии шаҳри Хуҷанд чунин камбудиҳо дар бозору марказҳои савдо, ошхонаву муассисаҳои хўроки умум ба чашм расид. Дар ин мавзеъҳо бидуни ченкунии таб, фосилаи иҷтимоӣ, набудани монеаи дизенфексионӣ фаъолият ба роҳ монда шудааст. Аз маъмурият то хизматрасониҳо дар марказҳои хўроки умум бидуни ниқоб хизматрасонӣ ба роҳ монда шудааст, ки омили асосии хатари сирояти беморӣ ба мизоҷон шуда метавонад. То ҳол дар бозорҳо фосила риоя нашуда, савдои кўчагӣ дар роҳравҳо низ ташкил шудаанд, ки берун аз назорати масъулини дахлдор қарор гирифтаанд.
Дар ин бора дафтари матбуоти Раиси шаҳри Хуҷанд иттилоъ медиҳад.
(Акс аз бойгонӣ)
![](https://moh.tj/wp-content/uploads/2018/04/8678.jpg")
