20 январи соли 2021 дар Муассисаи давлатии “Пажӯҳишгоҳи тиббии профилактикии Тоҷикистон» машварати навбатии гурӯҳи кории назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон оид ба иҷрои “Нақшаи чорабиниҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва филиали ГОПА мбХ дар Ҷумҳурии Тоҷикистон, Лоиҳаи пешгирии зӯроварии хонаводагӣ барои солҳои 2020-2021 (PDV) ” баргузор гардид, ки дар кори он намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, филиали ГОПА мбХ дар Ҷумҳурии Тоҷикистон ва намояндагони ташкилотҳои ҷамъиятӣ аз шаҳру ноҳияҳои кишвар иштирок намуданд.
Дар машварати навбатии гурӯҳи кории мазкур натиҷаҳои пурсиши сотсиологӣ оид ба қаноатмандӣ аз хизмати бенефитсиарҳо – ҷабрдидагони аз зӯроварӣ дар оила дар ноҳияҳои лоиҳавии вилояти Хатлон ва шаҳри Душанбе, натиҷаҳои мониторинги фаъолияти муассисаҳои иҷтимоӣ ва тандурустӣ (аз ҷумла фаъолияти ҳуҷраҳо оид ба расонидани кӯмаки тиббӣ ва иҷтимоӣ ба занони ҷабрдида аз зӯроварӣ дар оила) нисбати иҷрои уҳдадориҳои худ оид ба расонидани кӯмаки иҷтимоӣ ва тиббӣ ба ҷабрдидагони зӯроварӣ дар оила, ки бо санадҳои меъёрии ҳуқуқии Ҷумҳурии Тоҷикистон танзим карда шудаанд, (октябри 2020), муаррифӣ ва муҳокимаи натиҷаҳои фаъолият дар самти расонидани кӯмаки мустақим ба ҷабрдидагони зӯроварӣ дар оила аз ҷониби ташкилотҳои ҷамъиятӣ – иҷрокунандагони фармоиши давлатии иҷтимоии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мавриди таҳлилу баррасӣ қарор дода шуданд.
Дар анҷоми машварат ҷиҳати боз ҳам беҳтар намудани фаъолят дар самти иҷрои нақшаи мазкур аз тарафи аъзоёни гурӯҳи корӣ тавсия ва пешниҳодҳо ироа карда шуданд.
![](https://moh.tj/wp-content/uploads/2018/04/8678.jpg")
