Имрӯз, 3 июни соли равон ба Беморхонаи марказии шаҳри Ҳисор бо таҷҳизотҳои тиббӣ, аз қабили дастгоҳи нафасдиҳии сунъӣ, тамғаи “РО 6”, пулсоиксметр, монитори назди кати беморон, генератори оксигендиҳӣ, 5л/дақ, дастгоҳи кашиши барқии ҷарроҳӣ, маҷмӯи калони асбобҳои ҷарроҳӣ, дастгоҳи сабти барқии дил, халтаи Амбу, дефибриллятор, тарозу бо қадченкунак, ҷароғи ҷарроҳии сайёр (передвижная) ва бикс дастрас гардонида шуд.
Ҳамзамон, имрӯз ба раёсатҳои тандурустии ВМКБ, вилояти Хатлон (минтақаҳои Бохтар ва Кӯлоб), Суғд ва шаҳру ноҳияҳои тобеи ҷумҳурӣ маводи гипохлорити калтсийи фаъолноникаш 65% дастрас гардид.
Маврид ба зикр аст, ки таҷҳизот ва маводҳои тиббие ки аз ҷониби созмону ташкилотҳои байналмилалӣ ва кишварҳои алоҳида ҷиҳати пешгирӣ ва табобати беморони коронавируси нави КОВИД-19 ба Тоҷикистон ворид гардиданд, дар анборҳои махсуси Вазорати тандурустӣ ва ҳифзи иҷтимоии аҳолии Ҷумҳурии Тоҷикистон нигаҳдорӣ шуда, тибқи талабот ба муассисаҳои тиббии мамлакат дастрас карда мешаванд.
![](https://moh.tj/wp-content/uploads/2018/04/8678.jpg")
