Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Ба роҳ мондани фаъолияти мунтазам ва мувофиқ ба талоботи давр дар Стантсияҳои  ёрии таъҷилии тиббӣ талаботи замон ва яке аз рукнҳои аслии фаъолияти соҳаи тиб дониста мешавад.  Дар қатори дигар шаҳру ноҳияҳо ва минтақаҳои дурдасти кишвар Стантсияи ёрии таъҷилии тиббии  шаҳри Хуҷанд низ фаъоли пурсамарро рӯи даст гирифтааст. Маврид ба таъкид аст, ки Стантсияи ёрии таъҷилии тиббии  шаҳри Хуҷанд таи солҳои тулонӣ дар асоси талабот ва дастуроти  Вазорати тандурустӣ ва ҳифзи иҷтимоии аҳолии Ҷумҳурии Тоҷикистон фаъолияти худро  ба роҳ монда  ба  171 000  нафар аҳолии ш. Хуҷанд   шабонарӯзӣ   хизматрасонии   аввалиндараҷаи тиббӣ мерасонад. Гуфта мешавад мувофиқи нишондод ба ҳар 10 000 нафар аҳолӣ як бригадаи хати сайр дар назар дошта шудааст. Айни  замон дар  Стантсияи ёрии таъҷилии тиббии  шаҳри Хуҷанд 8 гурӯҳи фаврӣ ба аҳоли хизмат мерасонад. Мувофиқи маълумоти ба даст омада даъвати миёнаи сокинон ба ёрии таъҷилии шаҳр  дар як сол  аз 27 то 29 ҳазорро ташкил медиҳад, вале  хизматрасони ба аҳолӣ бештар  аз 30 то 32 ҳазорро  дар бар гирифтааст.  Мувофиқи маълумот дар Стантсияи ёрии таъҷилии тиббии  шаҳри Хуҷанд   айни замон  90 нафар кормандон фаъолият мебаранд.  8 гурӯҳи фаврии ёрии таъҷилӣ бошад  бо лавозимоти зарурии соҳа ва таҷҳизоти муосир таъмин гардидаанд.   Хамзамон гуфта мешавад ҷиҳати  беҳтар гардонидани сатҳи хизматрасонии  тиббӣ     фаъолияти кормандон таҳти назрати қатъии роҳбарияти Стантсияи ёрии таъҷилии тиббии шаҳр  қарор гирифтааст.