Бахшида ба иди касбии кормандони тибби Ҷумҳурии Тоҷикистон ва ҷашни зодрӯзи олим, файласуф ва ҳакими тоҷик Абӯалӣ ибни Сино дар Маркази вилояти Хатлон шаҳри Қурғонтеппа бо иштироки муовини раиси вилояти Хатлон Хидирзода Махфират Умар кушодашавии нимпайкараи Абуалӣ Ибни Сино сурат гирифт.
Дар расми кушодашавии он менеҷерони сохтори госпиталӣ ва КАТС, собиқадорони соҳаи тандурустӣ ва табибони варзидаи вилояти Хатлон иштирок намуданд. Баъд аз ифтитоҳи нимпайкараи Абуалӣ Ибни Сино дар Маркази саломатии шаҳри Курғонтеппа маҷлиси тантанавӣ доир карда шуд.
Дар чорабинии мазкур роҷеъ ба дастовардҳои соҳаи тандурустӣ тули 26 соли Истиқлолияти давлатии Ҷумҳурии Тоҷикистон гуфтушиндҳо сурат гирифта дар рафти баргузории чорабинӣ дар вазъияти тантанавӣ ба як қатор табибони варзида, ки дар рушду нумуи ин соҳа хизмати шоиста намуданд нишони сарисинагии “Аълочии тандурустии Ҷумҳурии Тоҷикистон, ифтихорномаҳои Вазорати тандурустӣ, ифтихорномаи раиси вилояти Хатлон ва Кумитаи иттифоқи касабаи Раёсати тандурустӣ инчунин туҳфаҳои хотиравӣ такдим гардид.
Ҳамзамон бахшида ба таҷлили рӯзи кормандони соҳаи тандурустӣ ва зодрӯзи табиб, муттафаккири тоҷик Абуалӣ Ибни Сино дар шаҳру ноҳияҳои вилояти Хатлон маҷлисҳои тантанавӣ бо иштироки табибон қайд гардида, аз ҷониби мақомоти маҳалии шаҳру ноҳияҳои вилояти Хатлон табибони варзида бо туҳфаҳои хотиравӣ қадрдонӣ гардиданд.
![](https://moh.tj/wp-content/uploads/2018/04/8678.jpg")
