Дар идомаи силсилавохуриҳо бо кормандони соҳаи тандурустӣ ва ҳифзи иҷтимоии аҳолии Ҷумҳурии Тоҷикистон вобаста ба пешгирии амалҳои номатлуб, аз ҷумла пешгирии амалҳои коррупсионӣ ва терроризму экстремизм имрӯз, 5 майи соли равон дар Маҷмааи тандурустии “Истиқлол” ҳамоиш доир гардид, ки дар он муовини вазири тандурустӣ ва ҳифзи иҷтимоии аҳолии мамлакат Абдухолиқ Амирзода, роҳбарият ва кормандони муассисаи мазкур иштирок намуданд.
Дар вохурӣ доир ба омилу сабабҳои пайдоиши коррупсия, роҳҳои пешгирии ин падидаи номатлуб, пешгирии ҷинояту ҷинояткорӣ, аз қабили пешгирии шомилшавии ҷавонон ба ҳизбу ҳаракатҳои террористию экстремистӣ, расидан ба қадри сулҳу оромии Тоҷикистони азиз ва баҳри рушду пешрафти сарзамини хеш саҳмгузор будан андешаронӣ сурат гирифт.
Дар ин замина, аз табибони муассисаи мазкур даъват ба амал оварда шуд, ки ҷавобан ба дастгирӣ ва ғамхориҳои роҳбарияти Олии Ҳукумати мамлакат аз пештара бештар баҳри таъмини солимии аҳолӣ талош варзанд.
Ҳамзамон, доир ба пешгирии терроризм ва экстремизм ба иштирокиёни ҳамоиш филми кутоҳмуддат намоиш дода шуд.
![](https://moh.tj/wp-content/uploads/2018/04/8678.jpg")
