10-уми сентябри соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон вохурии намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон, муовини сардори Раёсати тафтишотӣ, подполковники адлия Маъруф Қосимзода ва муфаттиши Раёсати оперативии махсуси агентии мазкур Ҳоҷиев Комрон бо роҳбарият ва кормандони дастгоҳи марказии вазорат ва зерсохторҳои он доир гардид.
Муовини якуми вазири тандурустӣ ва ҳифзи иҷтимоии аҳолӣ Ғафур Муҳсинзода бо сухани ифтитоҳӣ баромад намуда, ҳадаф ва мақсад аз баргузории вохурии мазкурро ба самъи ҳозирин расонид.
Баъдан, муовини сардори Раёсати тафтишотии Агентии назорати давлатии молиявӣ ва мубориза бо коррупсияи Ҷумҳурии Тоҷикистон, подполковники адлия Маъруф Қосимзода доир ба масъалаҳои боз ҳам ҷоннок намудани пешгирии омилҳои коррупсионӣ дар байни кормандони соҳаи тандурустӣ ва ҳифзи иҷтимоии аҳолӣ, пурзур намудани корҳои фаҳмондадиҳӣ ва дигар масъалаҳои алоқаманд баромад кард.
Қайд кардан ба маврид аст, ки баҳри решакан намудани ин падидаи номатлуби ҷомеа ва бо мақсади иҷрои «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» чунин вохуриҳои масъулин бо роҳбарият ва кормандони муассисаҳои тандурустии мамлакат ба роҳ монда шудааст.
![](https://moh.tj/wp-content/uploads/2018/04/8678.jpg")
