Модар шудан яке аз лаҳзаҳои хушбахттарини зиндагӣ барои занон аст. Аммо барои он, ки кӯдаки солим ба дунё ояд, муҳим аст, ки зан ба саломатии худ бодиққат муносибат кунад.
Чаро санҷиши ВНМО дар давраи ҳомиладорӣ муҳим аст?
Агар модар сироятёфта ва дар бораи он хабар надошта бошад, эҳтимоли хатари гузаштани вирус ба кӯдак ҷой дорад.
Боиси хушнудист, ки дар Ҷумҳурии Тоҷикистон бо гирифтани табобати саривақтӣ ва дуруст ин хатари гузаришро метавон паст кард ва тамоми хизматрасониҳо комилан ройгон мебошанд.
Ба назари мутахассисисони соҳа, роҳҳои гузаштани ВНМО аз модар ба кӯдак се марҳиларо дарбар мегиранд:
Ҳангоми ҳомиладорӣ. Дар ин давра вирус метавонад тавассути пласента аз модар ба ҷанин гузарад.
Ҳангоми таваллуд. Ҳангоми гузаштани кӯдак аз роҳҳои таваллуд.
Ҳангоми ширмаконӣ, яъне тавассути шири модар.
Чӣ бояд кард, то зани ҳомиладор ба ВНМО гирифтор нашавад?
Пеш аз ҳама ҳар як зани зани ҳомиладор бояд дар оғози ҳомиладорӣ аз санҷиши ВНМО гузарад.
Агар натиҷа мусбат бошад, дар ин ҳолат бояд парешон ва ғамгин нашавад! Хушбахтона, имрӯз дору ва табобатҳои муосир мавҷуданд, ки ба шумо имкон медиҳанд, то кӯдаки комилан солимро ба дунё оваред.
Агар ҳоло ҳомиладор ҳастед ё нақша доред, ки модар шавед, пас ҳатман аз санҷиши ВНМО гузаред!
Ин на танҳо барои шумо, балки барои ояндаи фарзандатон ҳаётан муҳим мебошад.
Фаромӯш набояд кард, ки масъулияти модарӣ аз имрӯз оғоз мешавад.
Санҷидан осон, донистан муҳим ва ҳаракат кардан ҷонбахш аст!
Барои маълумоти бештар ва фармоиши тести ройгон ба суроғаи hivtest.tj ворид шавед ва санҷиши оҷилиро фармоиш диҳед.
