Корҳои ободониву созандагӣ дар Муассисаи давлатии “Маркази миллии бемориҳои сил, шуш ва ҷарроҳии қафаси сина” вусъати тоза касб мекунанд (АКС)

Корҳои ободониву созандагӣ дар Муассисаи давлатии “Маркази миллии бемориҳои сил, шуш ва ҷарроҳии қафаси сина” вусъати тоза касб мекунанд (АКС)
Март 06
13:56 2021

 Муассисаи давлатии “Маркази миллии бемориҳои сил, шуш ва ҷарроҳии қафаси сина”-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон яке аз сармуассисаҳои ҷумҳуриявӣ дар соҳаи хадамоти  зиддисилӣ ба шумор рафта, мақсади ташкилёбии он расонидани кумаки баландихтисоси тиббӣ оид пешгирӣ, ташхис ва муолиҷаи бемориҳои сил, шуш ва ҷарроҳии қафаси сина, таҳия ва  ҷорӣ намудани усулҳои илман ва амалан асосноки муосир мебошад.

Дар маркази мазкур мутахассисони баландихтисос фаъолият дошта, дар он баҳри ташхис ва табобати бемориҳои сил, шуш ва ҷарроҳии қафаси сина тамоми шароит ва имконоти мавҷуда фароҳам оварда шудааст.

Бо мақсади иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати сазовор истиқбол гирифтани ҷашни бузурги миллӣ-30-солагии Истиқлолияти давлатии Ҷумҳурии Тоҷикистон  айни замон дар муассисаҳои тандурустии мамлакат корҳои ободониву созандагӣ, сабзу хуррамгардонии назди бинои муассисаҳо бомаром идома дорад.

Роҳбарият ва кормандони Муассисаи давлатии “Маркази миллии бемориҳои сил, шуш ва ҷарроҳии қафаси сина” ҳар ҳафта бо баргузории  ҳашарҳои дастаҷамъона ҷиҳати тозаву озода нигоҳ доштани атрофи муассиса, шинонидани гулу дарахтон корҳои назаррасро анҷом медиҳанд.

Дар доираи ҳашарҳои дастаҷамъонаи кормандон то кунун таъмири куллии шӯъбаҳо, таъмини шуъбаҳои қабул ва ташхисгоҳ бо курсиҳои замонавӣ, кабудизоркунӣ  дар ҳаҷми 2000 метбри мураббаъ, сафолакпӯшии  саҳни марказ дар масоҳати 1800 метри мураббаъ, шинонидани 80 дарахти арча, 28 дона мажевелка, 1000 дона арчаҳои демокративӣ, 4000 дона гулҳои мавсимӣ  ба анҷом расонида шудааст.

Аз руҳияи кормандони Муассисаи давлатии “Маркази миллии бемориҳои сил, шуш ва ҷарроҳии қафаси сина”-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон,  ки имрӯз дар маъракаи ободонӣ фаъолона иштирок доштанд, маълум буд, ки онҳо бо як масъулияти баланд  кӯшиш менамоянд, ки дар хурраму сарсабз гардонидани кишвари азизамон саҳмгузор бошанд.

Корҳои ободониву харрамгардонӣ дар маркази мазкур ҳамарӯза вусъати тоза касб намуда, роҳбарияти муассиса азм доранд, ки дар кӯтоҳтарин муддат марказро ба як гӯшаи боз ҳам зебо табдил бидиҳанд.

Ҳамзамон, роҳбарияти муассиса бо мақсади амалӣ намудани дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон  дар самти истифодаи самараноки ҳар ваҷаб замин низ тадбирҳои муҳиму саривақтиро рӯйи кор гирифтаанд.

Бино ба иттилои масъулин, масоҳати умумии замини марказ 55 гектарро ташкил медиҳад, ки он замини корам, боғот, боғи обӣ, токзор, чарогоҳ, майдони дарахтзор ва ғайра иборат мебошад.

Зикр намудан ба маврид аст, ки роҳбарияти муассиса дар самти таъмини беморон бо маҳсулоти тару тозаи аз ҷиҳати экологӣ безарар ҳар ваҷаб замини хоҷагии ёрирасони муассисаро самаранок истифода мебаранд. Инчунин, дар замини хоҷагии ёрирасони муассиса маҳсулоти кишоварзӣ кишт карда шуда, аз боғоти муассиса ҳосили хуб гирифта мешавад.

Бояд гуфт, ки роҳбарияти Муассисаи давлатии “Маркази миллии бемориҳои сил, шуш ва ҷарроҳии қафаси сина” тамоми кӯшиш ва талоши хешро баҳри иҷрои дастуру супоришҳои Пешвои муаззами миллат муҳтарам Эмомалӣ Раҳмон ва истиқболи сазовори ҷашни бузурги миллӣ 30-солагии Истиқлолияти давлатии Ҷумҳурии Тоҷикистон равона сохтаанд.

Дигар Хабарҳо

Ҳифзи тандурустии аҳолӣ яке аз самтҳои афзалиятноки сиёсати иҷтимоии давлат ва Ҳукумати Ҷумҳурии Тоҷикистон мебошад

Кодекси тандурустии Ҷумҳурии Тоҷикистон

Табассум Солимии Равонӣ

Абуали ибни Сино

Гузориши видеоӣ

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рамзи «Соли рушди деҳот, сайёҳӣ ва ҳунарҳои мардумӣ»-ро бо мақсади муаррифии ҳамаҷонибаи иқдоми мазкур тасдиқ намуданд.

Лоиҳаҳои иншоотҳои намунавӣ

Календар

Май 2024
Д С Ч П Ҷ Ш Я
« ஏப்    
 12345
6789101112
13141516171819
20212223242526
2728293031  

Саволнома

Шумораи хонандагон

  • 0
  • 712
  • 1,151
  • 886,088