Март 14
12:37
2020
13 марти соли равон вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода бо намояндаи доимии Бонки умумиҷаҳонӣ дар Ҷумҳурии Тоҷикистон Ян-Петер Олтерс вохурӣ намуд.
Ҷонибҳо вобаста ба ҳамкориҳо дар самтҳои мухталифи соҳаи тандурустӣ мубодилаи афкор намуда, ҷиҳати боз ҳам тақвият бахшидани ҳамкориҳои мутақобилан судманд ҳавасмандии хешро иброз намуданд.
Маврид ба зикр аст, ки Бонки умумиҷаҳонӣ яке аз шарикони фаъоли Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба шумор меравад.
То имрӯз аз ҷониби Бонки умумиҷаҳонӣ дар Тоҷикистон чандин иншоотҳои тиббии замонавӣ бунёд ва бо таҷҳизоти замонавӣ муҷаҳҳаз гардонида шуда, мавриди истифода қарор дода шудаанд.