Вохурӣ бо масъулин ва коршиносони байналмилалии Бонки ҷаҳонӣ

05-уми августи соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон вохурии муовини вазири тандурустӣ ва ҳифзи иҷтимоии аҳолии мамлакат Ҳабибулло Хайруллозода бо масъулин ва коршиносони байналмилалии Бонки ҷаҳонӣ дар ҳошияи “Лоиҳаи навсозии ҳифзи иҷтимоӣ ва ҳамгироии иқтисодӣ” баргузор шуд.

Тавре зикр гардид, ки дастгирии оилаҳои камбизоат бо пардохти кумакпулии якдафъаина, ки дар доираи компоненти якуми лоиҳа дар назар буд, бомуваффақият анҷом пазируфта, маблағҳои пешбинишуда ба пуррагӣ пардохт гардидаанд.

Марҳилаи дуюми фаъолиятҳо дар доираи компоненти сеюми лоиҳа таҳияи дастури методии кейс-менеҷмент барои ташкили хизматрасониҳои маҷмӯӣ ва фарогир ба оилаҳои камбизоат, аз ҷумла маъюбон, кӯдакон, пиронсолон, занони ҳомиладор – аъзои оилаҳои камбизоат шурӯъ гардида, бо ин мақсад коршиносони байналмилалӣ аз ҷониби Бонки ҷаҳонӣ ҷалб карда шудаанд.

Муовини вазир Ҳабибулло Хайруллозода дар анҷоми вохурӣ зикр намуд, ки бо мақсади татбиқи сиёсати иҷтимоии давлат ва амалисозии пурраи “Лоиҳаи навсозии ҳифзи иҷтимоӣ ва ҳамгироии иқтисодӣ” махсусан компоненти сеюм тибқи фармоиши дахлдор шаҳру ноҳияҳои озмоишӣ муайян гардидаанд ва Вазорати тандурустӣ ва ҳифзи иҷтимоии аҳолии кишвар омодааст то тадбирҳои заруриро андешад ва амалӣ намояд.

Мубодила

Facebook
Twitter
LinkedIn
WhatsApp
Email
Print

ҲИФЗИ ТАНДУРУСТИИ АҲОЛӢ ЯКЕ АЗ САМТҲОИ АФЗАЛИЯТНОКИ СИЁСАТИ ИҶТИМОИИ ДАВЛАТ ВА ҲУКУМАТИ ҶУМҲУРИИ ТОҶИКИСТОН МЕБОШАД

Хабарҳои охирин

Нахустин ҷаласаи гурӯҳи ҳамоҳангсозӣ оид ба натиҷаҳои татбиқи лоиҳаи “Миллати солими Тоҷикистон” барои соли 2024

Истаравшан: ба истифода додани Маркази саломатии деҳаи Варсиқ

Ҷаласаи Шӯрои ҳамоҳангсозии кӯмакҳои беруна дар соҳаи тандурустӣ ва ҳифзи иҷтимоии аҳолии кишвар баргузор гашт

Вохурӣ бо табибони ҷавон, ки зинаи ординатураи клиникиро дар хориҷи кишвар хатм кардаанд

ДАСТОВАРДИ НАВБАТИИ ТАБИБОНИ ТОҶИК. Дар амал ҷорӣ намудани боз як усули нави ҷарроҳӣ дар самти бемориҳои рагҳои мағзи сар

Фаъолияти анҷомдодаи  лоиҳаи “Навсозии ҳифзи иҷтимоӣ ва ҳамгироии иқтисодӣ” (P178878)  дар соли 2024

Search