20-уми апрели соли ҷорӣ дар доираи иштирок дар ҷаласаи 9-уми вазирони тандурустии кишварҳои узви Созмони ҳамкории Шанхай (СҲШ) дар шаҳри Бишкеки Ҷумҳурии Қирғизистон вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо вазири тандурустии Ҷумҳурии Қирғизистон Дамирбек Осмонов вохурӣ анҷом дод.
Зимни вохурӣ ҳолати кунунӣ ва дурнамои рушди соҳаи тандурустӣ байни Ҷумҳурии Тоҷикистон ва Ҷумҳурии Қазоқистон мавриди баррасӣ қарор гирифт.
Дар ин замина, гуфта шуд, ки маҳз дар доираи сиёсати дӯстонаи роҳбарони сатҳи олии ду кишвар дар баробари дигар самту соҳаҳои ҳаётан муҳим, ҳамкориҳои Тоҷикистону Қирғизистон айни ҳол дар соҳаи тандурустӣ ва ҳифзи иҷтимоии аҳолӣ дар марҳилаи рушд қарор дорад.
Дар ҷараёни вохурӣ таваҷҷуҳи ҷонибҳо ба рушди ҳамкориҳо дар самти рақамикунонии соҳаи тандурустӣ, такмили ихтисос ва бозомӯзии мутахассисони ду кишвар, ворид намудани усулҳои нави ташхису табобат ва дигар масъалаҳои муҳими соҳа равона гашт.
Вазирони тандурустӣ аз ҳамкориҳои ду кишвари дӯст дар соҳаи тандурустӣ изҳори қаноатмандӣ намуда, ҳавасмандии хешро ҷиҳати боз ҳам густариш бахшидани онҳо иброз доштанд.
