22-юми декабри соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон вохурии муовини вазири тандурустӣ ва ҳифзи иҷтимоии аҳолӣ Ҳабибулло Хайруллозода бо намояндагони “Созмони беҳзистӣ”-и Ҷумҳурии Исломии Эрон баргузор гашт.
Дар вохурии мазкур инчунин сардорони раёсату шуъбаҳои дахлдори вазорат низ иштирок намуданд.
Нахуст Ҳабибулло Хайруллозода ҳайати меҳмононро барои ташриф ба Вазорати тандурустӣ ва ҳифзи иҷтимоии аҳолӣ хайрамақдам гуфта, аз ҳамкориҳои судманди ду кишвари дусту бародар дар соҳаи тандурустӣ ва ҳифзи иҷтимоии аҳолӣ ёдовар шуд.
Дар идомаи вохурӣ иштирокчиён доир ба густариши ҳамкориҳо дар бахшҳои гуногуни соҳаи ҳифзи иҷтимоии аҳолӣ мубодилаи афкор намуданд.
Дар анҷом ҷонибҳо баҳри тақвият бахшидани ҳамкориҳои судманди дуҷониба дар масъалаҳои мавриди таваҷҷуҳи тарафайн ҳавасмандии хешро иброз доштанд.
