13-уми ноябри соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон муовини вазири тандурустӣ ва ҳифзи иҷтимоии аҳолӣ Ҳабибулло Хайруллозода бо гурӯҳи кории Бонки ҷаҳонӣ, ки ҷиҳати гузаронидани таҳлили миёнамуҳлати раванди амалишавии лоиҳаи “Навсозии ҳифзи иҷтимоӣ ва ҳамгироии иқтисодӣ” дар Тоҷикистон қарор доранд, вохурӣ намуд.
Дар вохурӣ ҳамзамон директори Агенти давлатии ҳифзи иҷтимоии аҳолӣ Абдулло Сафарзода, менеҷери лоиҳаи “Лоиҳаи навсозии ҳифзи иҷтимоӣ ва ҳамгироии иқтисодӣ” (P178878) Ҷамшед Каримов ва дигар шахсони масъули вазорат ширкат доштанд.
Дар рафти вохурӣ ҷонибҳо доир ба рафти иҷрои лоиҳаи “Лоиҳаи навсозии ҳифзи иҷтимоӣ ва ҳамгироии иқтисодӣ” (P178878) мубодилаи афкор намуда, ҳамзамон вобаста ба нақшаи ҳамкориҳои оянда низ гуфтугу карданд.
Дар анҷоми вохурӣ баҳри тақвият бахшидани ҳамкориҳои минбаъда ҳавасмандӣ изҳор гардид.
