Дар доираи иштирок дар ҷаласаи 38-уми Шӯрои ҳамкорӣ дар соҳаи тандурустии давлатҳои аъзои ИДМ имрӯз, 02-юми октябри соли равон Александр Ходжаев, вазири тандурустии Ҷумҳурии Белорус аз Маркази миллии тиббии Тоҷикистон “Шифобахш” дидан ба амал овард.
Зимни ташриф номбурда нахуст аз рафти фаъолияти шуъбаи қабули калонсолон, аз ҷумла бахши ҷарроҳии асаб ва дигар шуъбаҳои он дидан кард.
Дар толори лексионии Донишгоҳи давлатии тиббии Тоҷикистон ба номи Абуалӣ ибни Сино, ки дар ҳудуди ин муассисаи тандурустӣ ҷойгир аст, вазири тандурустии Ҷумҳурии Белорус бо донишҷӯёни курси якум вохурӣ намуда, ба таҳсили ояндаи онҳо барору муваффақият таманно намуд.
Инчунин, вазири тандурустии Ҷумҳурии Белорус Александр Ходжаев аз Маркази нефрология ва гемодиализ ва шуъбаи ҷарроҳии асаби №1-и Маркази миллии тиббии Тоҷикистон “Шифобахш” низ дидан кард.
