30-юми январи солӣ ҷорӣ дар толори Вазорати тандурустӣ ва ҳифзи иҷтимоии аҳолии Ҷумҳурии Тоҷикистон маҷлиси васеи Кумитаи иҷроияи Ҳизби Халқии Демократии Тоҷикистон дар шаҳри Душанбе баргузор гардид.
Боиси хушнудист, ки дар рафти маҷлис муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон Саломуддин Юсуфӣ бо медали ҷашнии 30-солагии Ҳизби Халқии Демократии Тоҷикистон қадрдонӣ карда шуд.
Ҳамзамон, дар ин чорабинӣ як қатор кормандони вазорат-сардори Раёсати фарматсия ва молҳои тиббӣ Абдулазиззода Салим, сардори Раёсати ташкили хизматрасониҳои тиббӣ ва технологияҳои муосир Абдуалимов Файзалӣ, мутахассиси пешбари Раёсати таҳсилоти тиббию фарматсевтӣ, сиёсати кадрҳо ва илм Раҷабова Зулайхо ва мутахассиси шуъбаи кадрҳои Раёсати таҳсилоти тиббию фарматсевтӣ, сиёсати кадрҳо ва илм Ҳасанов Шуҳрат бо Сипосномаи Кумитаи иҷроияи Ҳизби Халқии Демократии Тоҷикистон дар шаҳри Душанбе низ сарфароз гардонида шуданд.
