Бо мақсади муайян намудани мувофиқати кадрҳои роҳбарикунандаи муассисаҳои соҳаи тандурустӣ ба мансабҳои ишғолнамуда, баланд бардоштани сатҳи касбӣ ва масъулияти онҳо мутобиқи Тартиби аттестатсияи кадрҳои роҳбарикунандаи соҳаи тандурустӣ ва ҳифзи иҷтимоии аҳолии Ҷумҳурии Тоҷикистон, ки бо фармоиши Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз 4 майи соли 2018, №422 тасдиқ шуда, дар Вазорати адлияи Ҷумҳурии Тоҷикистон аз 25 июни соли 2018, №935 ба қайд гирифта шудааст, дар Вазорати тандурустӣ ва ҳифзи иҷтимоии аҳолӣ аттестатсияи кадрҳои роҳбарикунандаи муассисаҳои соҳаи тандурустӣ идома дорад.
Имрӯз, 07-уми октябри соли равон вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода дар раванди аттестатсияи мазкур иштирок намуд.
Бояд гуфт, ки аттестатсияи кадрҳои роҳбарикунандаи муассисаҳои соҳаи тандурустӣ–ин раванди муайян намудани сатҳи касбият, салоҳияти касбӣ, сатҳи дониш ва маҳорату малакаи амалии онҳо ба шумор меравад.
Ёдовар мешавем, ки аттестатсияи кадрҳои роҳбарикунандаи муассисаҳои соҳаи тандурустӣ тибқи Тартиби аттестатсияи кадрҳои роҳбарикунандаи соҳаи тандурустӣ ва ҳифзи иҷтимоии аҳолии Ҷумҳурии Тоҷикистон то 21 октябри соли 2026 идома меёбад.
