20-уми майи соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таҳти роҳбарии муовини вазири тандурустӣ ва ҳифзи иҷтимоии аҳолӣ Зулфия Абдусаматзода ҷаласаи кории Раёсати ташкили хизматрасониҳои тиббӣ ба модару кӯдакон ва танзими оилаи вазорат вобаста ба баррасии вазъи хизматрасонии тиббӣ ба модару кудак баргузор гашт.
Дар ҷаласаи корӣ масъулин ва кормандони раёсати мазкур, роҳбарони як қатор муассисаҳои тандурустӣ ва таваллудхонаҳо ширкат варзиданд.
Зулфия Абдусаматзода зимни ҷаласа иброз дошт, ки айни замон масъалаҳои хизматрасонии тиббӣ ба модарон ва кӯдакон дар маркази таваҷҷуҳи давлат ва Ҳукумати мамлакат қарор дорад.
Дар идомаи ҷаласа ба масъалаҳои боз ҳам беҳтар кардани хизматрасонии тиббӣ ба модарону кӯдакон таваҷҷуҳи хоса зоҳир карда шуда, аз масъулин даъват ба амал оварда шуд, ки дар ин самт фаъолияти хешро аз пештара бештар пурзӯр намоянд.
Дар анҷом баҳри боз ҳам беҳтар намудани сатҳ ва сифати хизматрасонии тиббӣ ба модарон ва кӯдакон, бартараф намудани мушкилот ва камбудиҳои ҷойдошта аз ҷониби муовини вазири тандурустӣ ва ҳифзи иҷтимоии аҳолӣ ба масъулин дастуру супоришҳои мушаххас дода шуд.
Меньше
