Имрӯз, 05-уми августи соли равон дар маҷлисгоҳи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон маҷлиси Кумитаи иҷроияи Ҳизби Халқии Демократии Тоҷикистон дар шаҳри Душанбе доир гашт, ки дар кори он муовини якуми Раиси Ҳизби Халқии Демократии Тоҷикистон Маликшо Неъматзода, вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода, муовини Раиси шаҳри Душанбе Дилбар Одилзода, Раиси Кумитаи иҷроияи Ҳизби Халқии Демократии Тоҷикистон дар шаҳри Душанбе Шоҳиён Абдураҳим, аъзои Кумитаи иҷроияи ҲХДТ дар шаҳри Душанбе, вакилони маҷлиси вакилони халқи шаҳриву ноҳиявӣ, роҳбарони кумитаю ташкилотҳои ибтидоии ҳизбӣ, аъзои намояндагии ТҶҶ “Созандагони Ватан” ва фаъолони ҳизб иштирок намуданд.
Боиси хушнудӣ аст, ки зимни чорабинӣ Раиси ташкилоти ибтидоии ҳизбии “Ҷисму ҷон”-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода, вазири тандурустӣ ва ҳифзи иҷтимоии аҳолии кишвар бо медали 30-солагии Ҳизби Халқии Демократии Тоҷикистон сарфароз гардонида шуд.
Ин дастовардро ба роҳбарият ва аъзоёни ташкилоти ибтидоии ҳизбии “Ҷисму ҷон”-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон шодбош мегуем.
