Бо мақсади баланд бардоштани савияи дониши мутахассисони кӯмаки аввалияи тибби санитарӣ (КАТС )- и шаҳру ноҳияҳои таҷрибавӣ зимни амалишавии лоиҳаи Равзанаи ягонаи Ташкилоти умумиҷаҳонии тандурустӣ дар самти пешниҳоди хизматрасониҳои тавонбахшӣ ва воситаҳои ёрирасон, дар асоси дастуру супоришҳои роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз 7 то 11-уми октябри соли ҷорӣ дар Корхонаи давлатии “Заводи протезию ортопедӣ”-и шаҳри Душанбе давраи омӯзишӣ дар мавзӯи “Басти заминавии хизматрасониҳо дар самти аробачаҳои маъюбӣ барои мутахассисони муассисаҳои тиббӣ ва иҷтимоӣ” баргузор гардида истодааст.
Мавзӯъҳои асосии даври омӯзишии мазкур иборат аз тарзу усул, намунаҳо ва истифодабарии дурусти онҳо дар асоси таснифоти воситаҳои техникии тавонбахшӣ, нақши болиштҳои сабуккунанда дар аробачаҳои маъюбӣ буда, инчунин мутобиқсозӣ ва корҳои фаҳмондадиҳӣ аз ҷониби мутахассисони варзидаи аз кишвари Гурҷистон омӯзонида мешаванд.
