Бо мақсади иҷрои дастуру ҳидоятҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ дар доираи Нақшаи чорабиниҳои тасдиқгардида имрӯз, 01-уми марти соли равон дар қитъаи 6-и маҳаллаи Навободи ноҳияи Исмоили Сомонии шаҳри Душанбе ҳашари ниҳолшинонӣ сурат гирифт, ки дар он муовини вазири тандурустӣ ва ҳифзи иҷтимоии аҳолӣ Шодихон Ҷамшед, роҳбарият ва кормандони муассисаҳои тиббию табобатии ҷумҳуриявӣ иштирок намуданд.
Дар доираи чорабинии мазкур аз ҷониби кормандони соҳаи тандурустӣ ва ҳифзи иҷтимоии аҳолии мамлакат дар қитъаи муайяншуда 6300 адад дарахти арча шинонида шуд.
Ҷиҳати саҳм гузоштан дар сабзу хуррамгардонии муҳити зист минбаъд низ чунин маъракаҳои ниҳолшинонӣ аз ҷониби кормандони соҳаи тандурустӣ ва ҳифзи иҷтимоии аҳолии мамлакат ташкил ва баргузор карда мешаванд.
