Бо мақсади баланд бардоштани дониш ва малакаи касбии табибон ҷиҳати пешгирии ҳодисаҳои фавти модарон аз хунравии акушерӣ санаи 8 апрели соли 2026 дар доираи “Ҳафтаи саломатӣ ва ҳуқуқи инсон дар Тоҷикистон” ва Рӯзи умумиҷаҳонии саломатӣ” семинари омӯзишӣ дар мавзуъҳои “Хунравии гипотоникӣ, коагулопатия ва ДВС синдром дар соҳаи акушерӣ” ва “Бартарияти шири модар барои солимии модар ва кӯдак” аз тарафи профессорон аз шаҳрҳои Санкт – Петербург ва Москваи Федератсияи Россия Мозговая Е.В. ва Украинцев С.Е. бо иштироки табибони соҳаи акушерӣ аз шаҳрҳои Душанбе, Турсунзода, Ҳисор, Ваҳдат ва ноҳияи Рӯдакӣ баргузор гардид.

Ҳамзамон, мутахассисон аз вилоятҳои Суғд ва Хатлон ба таври онлайнӣ дар семинари омӯзишӣ иштирок намуданд.

Дар расми ифтитоҳи семинари омӯзишӣ сардори Раёсати ташкили хизматрасониҳои тиббӣ ба модару кӯдакон ва танзими оилаи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Набиев Зоир иштирок ва суханронӣ карда, ҳадаф ва мақсад аз баргузории чорабинро-пеш аз ҳама барои баланд бардоштани савияи донишу малака ва таҷрибаи кории мутахассисони соҳа арёзбӣ намуд.

Баъдан, аз ҷониби мутахассисони варзидаи кишвари Россия дар мавзуъҳои болозикр ба иштирокчиёни ҳузурӣ ва онлайнӣ ба таври рунамо маълумотҳои муфид ва судманд пешниҳод карда шуд.