Дар Муассисаи давлатии “Маркази ташаккули тарзи ҳаёти солими вилояти Хатлон” ҷаласаи навбатии директорони марказҳои ташаккули тарзи ҳаёти солими шаҳру ноҳияҳои вилояти Хатлон оид ба амалишавии иҷроиши бандҳои “Барномаи миллии ташаккули тарзи ҳаёти солим дар Ҷумҳурии Тоҷикистон барои солҳои 2022-2026” гузаронида шуд.
Дар кори ҷаласа роҳбарияти Муассисаи давлатии “Маркази ҷумҳуриявии ташаккули тарзи ҳаёти солим”, Раёсати тандурустии вилояти мазкур ва директорони марказҳои ташаккули тарзи ҳаёти солими шаҳру ноҳияҳои минтақаи Бохтар иштирок намуданд.
Дар ҷаласа масъалаҳои иҷроиши бандҳои “Барномаи миллии ташаккули тарзи ҳаёти солим дар Ҷумҳурии Тоҷикистон барои солҳои 2022-2026”, ҳисоботи директорони марказҳои ташаккули тарзи ҳаёти солим, дастовард, мушкилот ва роҳи ҳалли онҳо дар иҷроиши “Барномаи миллии ташаккули тарзи ҳаёти солим дар Ҷумҳурии Тоҷикистон барои солҳои 2022-2026”, натиҷаи мониторинг ва арзёбӣ ва дигар масъалаҳо мавриди баррасӣ қарор гирифтанд.
Қобили зикр аст, ки тибқи супориши бевоситаи Роҳбари давлат “Барномаи миллии ташаккули тарзи ҳаёти солим дар Ҷумҳурии Тоҷикистон барои солҳои 2022-2026” бо қарори Ҳукумати Ҷумҳурии Тоҷикистон аз 30 декабри соли 2021 таҳти №566 тасдиқ шудааст.
Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тамоми кӯшиш ва талоши хешро баҳри коҳиш додани бемориҳои сироятӣ дар кишвар равона сохтааст.
Ҳамин тавр, омўзиши ҳисоботи оморӣ ва таҳлили вазъ дар маҳалҳо гувоҳӣ медиҳанд, ки бинобар чораву тадбирҳои амалишуда сатҳи паҳншавии бемориҳои сироятӣ дар кишвар давоми солҳои охир коҳиш ёфта истодааст.
