23-юми апрели соли равон дар шаҳри Остонаи Ҷумҳурии Қазоқистон вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ва директори генералии Созмони умумиҷаҳонии тандурустӣ Тедрос Адҳаном Гебрейесус аз Маркази миллии тадқиқотии онкологӣ, ки моҳи апрели соли 2025 мавриди истифода қарор дода шуда буд, дидан ба амал оварданд.

Дар рафти боздид ба меҳмонон зерсохтори муосири маркази мазкур ва ҳамзамон имкониятҳои миллии кишвари Қазоқистон дар самти ташхис ва табобати бемориҳои саратонӣ муаррифӣ гардид.