10-уми октябри соли равон муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода аз фаъолияти Беморхонаи марказии шаҳри Турсунзода дидан ба амал овард.

Аснои боздид Зулфия Абдусаматзода бо ҷараёни хизматрасонии тиббии беморхонаи мазкур, фаъолияти шуъбаҳои он, аз ҷумла шуъбаи таваллудхонаи он шинос гардид.

Дар ин замина, иттилоъ дода шуд, ки айни ҳол як қатор корҳои ободонӣ низ дар ҳудуди ин муассисаи тандурустӣ, аз ҷумла мумфаршкунии роҳҳои дохили беморхона низ бомаром ҷараён доранд.

Дар ин ҷо муовини вазир бо доираи васеи кормандони беморхонаи мазкур вохурӣ намуда, як қатор масъалаҳои муҳими соҳа, аз ҷумла беҳтар намудани сатҳу сифати хизматрасонии тиббӣ ба аҳолӣ, пешгирии фавти модару кӯдак, риояи одоби муоширати табибон бо беморон ва наздикони онҳо, пешгирии омилҳои коррупсионӣ дар байни кормандон ва дигар масъалаҳоро мавриди баррасӣ қарор дод.

Дар анҷоми ҷаласаи корӣ аз ҷониби муовини вазири тандурустӣ ва ҳифзи иҷтимоии аҳолӣ Зулфия Абдусаматзода ба роҳбарияти Беморхонаи марказии шаҳри Турсунзода дастуру супоришҳои мушаххас дода шуд.