Бо мақсади шиносоӣ пайдо намудан бо рафти омодагии муассисаҳои ҳифзи иҷтимоӣ ба мавсими истироҳатию курортӣ ва ҷараёни хизматрасонии тиббӣ, директори Агентии давлатии ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоқикистон Абдулло Сафарзода аз Истироҳатгоҳи собиқадорони ҷангу меҳнати «Дӯстӣ»-и ноҳияи Ҷайҳун боздид ба амал овард.
Дар доираи боздид номбурда бо раванди фаъолияти истироҳатгоҳи мазкур шинос шуда, аз сатҳу сифати хизматрасонии он дидан ба амал овард.
Қайд гардид, ки тибқи дастуру супоришҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар самти омодагӣ ба мавсими истироҳатию курортӣ дар осоишгоҳу истироҳатгоҳҳои соҳа як қатор корҳои муҳиму назаррас ба анҷом расонида шуда, фаъолияти муассисаҳо дар ин самт айни ҳол бомаром идома дорад.
Ҳамзамон, ҷиҳати боз ҳам беҳтар намудани сатҳу сифати хизматрасонии тиббӣ ва бартараф намудани мушкилоту камбудиҳои ҷойдошта, аз ҷониби Абдулло Сафарзода ба масъулини истироҳатгоҳ дастуру супоришҳои мушаххас дода шуданд.
