Ифтитоҳи озмоишгоҳи анатомӣ, физикӣ, биологӣ ва бинои маркази тестӣ дар Коллеҷи тиббии шаҳри Ҳисор

Санаи 12-уми феврали соли равон дар заминаи сиёсати маорифпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри беҳтару хубтар гардидани имкониятҳои илмию таълимӣ дар муассиса бо мақсади сазовор пешвоз гирифтани ҷашни 35 – солагии Истиқлолияти давлатии Ҷумҳурии Тоҷикистон, инчунин, дар амал татбиқ намудани «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф, барои солҳои 2020-2040» бо иштироки бевоситаи муовини раиси шаҳри Ҳисор муҳтарам Юлдошзода Бунафша, муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода, директори Агентии Туркия оид ба ҳамкорӣ ва ҳамоҳангсозӣ дар Тоҷикистон Ибраҳим Этҳем Ӯнал, сардори раёсати таҳсилоти ибтидоӣ ва миёнаи касбии Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон муҳтарам Бобоҷон Маҳмадализода дар Муассисаи давлатии таълимии “Коллеҷи тиббии шаҳри Ҳисор” озмоишгоҳи анатомӣ, озмоишгоҳи тиббии физика, озмоишгоҳи химиявӣ, озмоишгоҳи тиббии биология ва бинои маркази тестӣ ифтитоҳ карда шуд.

Зимни ифтитоҳи озмоишгоҳҳо ва бинои маркази тестӣ гуфта шуд, ки Озмоишгоҳҳои мазкур баҳри амалишавии ҳадафҳои бистсолаи мазкур иқдоми нек ва саривақтӣ мебошад. Иттилоъ дода шуд, ки озмоишгоҳҳо бо дастгоҳҳои таълимии сатҳи зарурӣ – воситаҳои техникӣ, электронӣ, аёнӣ ва мизу курсиҳои зарурӣ таъмин мебошад.

Инчунин, аз ҷониби масъулини муассиса маълумот дода шуд, ки корҳои озмоишӣ бо тамоми маводи зарурӣ омода буда, донишҷӯён метавонанд ҳангоми амалии онҳо маълумотҳои бештар пайдо намоянд.

Дар фарҷом директори муассиса Комилҷон Дустмуродзода ба меҳмонон изҳор дошт, ки дар умум ифтитоҳи озмоишгоҳҳои муосири таълимӣ ва бинои маркази тестӣ дар муассиса баҳри устодону кормандон ва донишҷӯён дастоварди назаррас ва туҳфаи арзанда дар доираи татбиқи ҳамаҷонибаи Фармонҳои Президенти Ҷумҳурии Тоҷикистон дар бораи таҷлили 35 – солагии Истиқлолияти давлатии Ҷумҳурии Тоҷикистон мебошад.

Мубодила

Facebook
Twitter
LinkedIn
WhatsApp
Email
Print

ҲИФЗИ ТАНДУРУСТИИ АҲОЛӢ ЯКЕ АЗ САМТҲОИ АФЗАЛИЯТНОКИ СИЁСАТИ ИҶТИМОИИ ДАВЛАТ ВА ҲУКУМАТИ ҶУМҲУРИИ ТОҶИКИСТОН МЕБОШАД

Хабарҳои охирин

Пешвои миллат Эмомалӣ Раҳмон дар шаҳраки Бустонқалъаи ноҳияи Кӯшониён Маркази ташхисию табобатӣ ва барқарорсозии бемориҳои асабро мавриди баҳрабардорӣ қарор доданд

Натиҷагирӣ аз рафти иҷрои Барномаи рушди тандурустӣ дар Тоҷикистон барои солҳои 2021-2025

Рушди хизматрасонии кумаки аввалияи тиббию санитарӣ дар Тоҷикистон

Мулоқот бо ҳайати Комиссия оид ба тандурустии Синзиян Уйғури Ҷумҳурии Мардумии Чин

Ҷорӣ намудани ҷарроҳии кошти ҳалзун барои беморони камшунаво ва ношунавои мутлақ

Ифтитоҳи бинои шуъбаи сироятӣ дар ноҳияи Қубодиён

Search